Comments
काठमाडौं । बजारमा बिक्री वितरण भइरहेका वाईवाईसहित चार ब्राण्डका चाउचाउ गुणस्तर परीक्षणमा मापदण्डअनुसार नभेटिएपछि सम्बन्धित निकायले ती उत्पादन तत्काल बजारबाट फिर्ता गर्न निर्देशन दिएको छ। नियमित बजार अनुगमन तथा प्रयोगशाला परीक्षणका क्रममा केही चाउचाउका नमूनामा तोकिएको गुणस्तर र खाद्य मापदण्ड पूरा नभएको देखिएपछि सम्बन्धित उद्योग तथा वितरकलाई उक्त उत्पादन बजारबाट फिर्ता गर्न निर्देशन दिइएको हो।
सम्बन्धित निकायका अनुसार गुणस्तर परीक्षणमा असफल भएका उत्पादनहरूको बिक्री वितरण तत्काल रोक्न, बजारमा रहेका स्टक फिर्ता गर्न तथा आवश्यक सुधारपछि मात्र पुनः बजारमा ल्याउन निर्देशन दिइएको छ। साथै, उपभोक्ताको स्वास्थ्यलाई ध्यानमा राख्दै यस्ता उत्पादनको निगरानी अझ कडा बनाइने जनाइएको छ। उपभोक्ता अधिकारकर्मीहरूले पनि खाद्य वस्तु खरिद गर्दा उत्पादन मिति, उपभोग्य अवधि, गुणस्तर चिन्ह तथा सम्बन्धित निकायबाट जारी सूचना हेरेर मात्र प्रयोग गर्न उपभोक्तालाई आग्रह गरेका छन्।
यस घटनापछि बजारमा उपलब्ध अन्य खाद्य सामग्रीको गुणस्तर परीक्षणलाई समेत तीव्र बनाउने तयारी गरिएको सम्बन्धित निकायले जनाएको छ। उक्त निर्णयले उपभोक्ताको स्वास्थ्य सुरक्षालाई प्राथमिकतामा राख्दै गुणस्तरहीन खाद्य वस्तुको उत्पादन तथा बिक्री वितरणमा कडाइ गर्ने सरकारको नीति थप स्पष्ट भएको सरोकारवालाहरूको भनाइ छ। लेखकको बारेमा
